St. Mary's Knanaya Church, Tampa

ആലഹനായാൻ തുണയാലെ ചൊല്ലുന്നു
അൻപൊടു നല്ല വിശേഷങ്ങൾ ചൊല്ലുവാൻ
ആദരാൽ നാവിൽ വിളങ്ങിത്തെളിയണം
ആകെപ്പറവാൻ പണിയെന്നതാകിലോ
അൻപൻ മണവാളൻ തന്നുടെ തോഴിയും
അൻപോടെ നല്ല ചമയങ്ങൾ പൂണ്ടാറെ
ആദരവാലുള്ള പൊൻമുടി ചൂടീട്ട്
അഴകോടെ ചെന്നങ്ങ് പള്ളിയകം പുക്ക്
പള്ളിയിൽ വെച്ചങ്ങ് പട്ടക്കാർ കൈക്കൊണ്ട്
കയ്യും പിടിപ്പിച്ചഴകോടറിവാളാർ
കൂടിയ ലോകരും കോലാഹലത്തോടെ
കോമളമായൊരു പന്തലകം പുക്ക്
ഘോഷിച്ചു നല്ലമണർക്കോലം പുക്കാറെ
ഓമനയുള്ള മകനേക്കണ്ടമ്മയ്യും ഉണ്മയിലൊന്നു കൊടുക്കണമെന്നോർത്ത്
പൊന്നും തളികയിൽ പാലും പഴവുമായ്
വെള്ളിവിളങ്ങുന്ന കിണ്ടിയിൽ വെള്ളവും
കൊണ്ടുചെന്നങ്ങു കൊടുത്ത മധുരങ്ങൾ
ഇച്ഛിച്ചുതന്ന മധുരങ്ങൾ ചൊല്ലുവാൻ
ഇച്ഛയിലൊന്നും ശരിപ്പറവാനില്ല.
ഈശോമിശിഹാ തുണയാകുന്നെപ്പോഴും