St. Mary's Knanaya Church, Tampa

ഇന്നു നീ ഞങ്ങളെ കൈവിട്ടോ മോറാനെ
ഇന്നു ഞങ്ങൾക്കൊരു പിന്തുണയില്ലല്ലോ
പട്ടണമൊന്നില്ല ഭാഷകളൊന്നില്ല
ഭംഗികൾ ഞങ്ങളുടെ ഭൂഷണം കൊണ്ടിട്ട്
കല്പന ഞങ്ങളിരിപ്പിടത്താക്കണം
എന്നുള്ളപേക്ഷയെ കേട്ടൊരു മോറാനും
നന്ദി കലർന്നുടനൊന്നങ്ങരുൾ ചെയ്തു
കാലോചിതം പോലെ നല്ലയാബൂൻമാരെ
കാലമീരാറിന് മുമ്പു ഞാനെത്തിപ്പേൻ
ഏഴില്ല മെഴുപത്തിരണ്ടു കുടിയാരും
ഒത്തൊരുമിച്ചങ്ങുപോകണം നിങ്ങള്
വെണ്മയിൽ പോയാലും മക്കളെ നിങ്ങള്
ചട്ടയും മുത്താക്കും കൊന്തതലുമുണ്ട്
ചങ്ങല  കൈവള ചന്തമാം തലുവവും
ചന്തമായുള്ളോരു കോപ്പുകൾ കൂട്ടീട്ട്
കൂട്ടംകുട പിടിച്ചൊട്ടെടം ചെന്നപ്പോൾ
കപ്പലെ കേറുവാൻ കടപ്പുറം പൂക്കാറെ
ഉറ്റവരുടയവർ ബന്ധുക്കളെല്ലാരും
തങ്ങളിത്തങ്ങളിൻലമ്പോടെ തഴുകുന്നു
മാർവ്വത്തു കണ്ണിനീർ മാർവ്വും നനയുന്നു
തമ്പുരാനല്ലാതെ ഇല്ലൊരുസാക്ഷിയും
മക്കളെകാണുമോ ഹിന്ദുവിൽ പോയാലും
ബന്ധങ്ങൾ വേർപിടാതോർക്കണമെപ്പോഴും
പത്തുമൊരേഴുമങ്ങെപ്പോഴും ചിന്തിപ്പിൻ
പാടുമറിയാതിരിക്കണം നിങ്ങളും
തമ്പുരാൻ തന്റെ മനോഗുണം കൊണ്ടിട്ട്
കപ്പലെരുമൂന്നു മൊന്നായിട്ടോടുന്നു.