St. Mary's Knanaya Church, Tampa

മംഗല്യമെന്നതിന്റെ ഭംഗി പറവതിന്ന്
എങ്ങും നിറഞ്ഞ കന്നി അങ്ങിന്നരുൾ തരിക
ചുറ്റിലിരിക്കും ജനം കുറ്റം കുറകകൾ കണ്ടാൽ
പെറ്റമാതാവേപ്പോലെ കുറ്റം പൊറുത്തീടേണം
കറ്റാർ കുഴലിയാളെ പെറ്റു വളർത്തോരമ്മ
ഉറ്റൊരു താതനോടു പെട്ടെന്നൊരുത്താമൊഴി
കെട്ടിന്നവൾക്കടുത്തുപ്പെട്ടെന്നൊരു ചെറുക്കൻ
ഇഷ്ടം വരുമെടുത്ത് ഒട്ടും വൈകാതെ കണ്ട്
എന്ന മൊഴികൾ കേട്ടിട്ടന്നു തിരിഞ്ഞു താതൻ
നന്നു പുരുഷനെന്നിട്ടന്നു വരംകൊടുത്തു
അന്നേയറിഞ്ഞു താതനന്നു പുരുഷനുമായ്
അന്നച്ചാരം കൊടുത്തു പെണ്ണിനെ ചെന്നുകണ്ടു
ഖണ്ഡിച്ചു കല്യാണവുമെണ്ണിക്കുറിച്ച നാളിൽ
പുത്തൻ പനയോലയിൽ ചിത്രമെഴുത്തുപെട്ടു
കത്തൻ വിളിച്ചുചൊല്ലി ശുദ്ധമാം പൂജനേരം
കോലഹാലത്തോടങ്ങു നാലു ദിശയറിഞ്ഞു
ചെത്തി വഴി പറമ്പിലെത്തുന്നവർക്കു വേണ്ടി
ഇട്ടൊരു പന്തലൊക്കെ പട്ടാൽ വിതാനം ചെയ്തു
വെട്ടം കൊളുത്തി നീളെയിട്ടു മണർക്കോലവും
കൂടിവരുന്നു ജനം പാടെ കല്യാണവീട്ടിൽ
ചെന്നങ്ങറിയിക്കയാൽ ചെന്നു ചെറുക്കനന്ന്
പോകാം പള്ളിക്കലെന്ന് പോവാൻ മുതൃന്നവാറേ
വേഗം പെണ്ണു നടന്നു യോഗം പിന്നെ നടന്നു.