St. Mary's Knanaya Church, Tampa

മാർത്തോമൻ നന്മയാലൊന്നു തുടങ്ങുന്നു
നന്നായി വരേണമേയിന്ന്
ഉത്തമനായ മിശിഹ തിരുവുള്ളം
ഉണ്മയെഴുന്നൾക വേണം
കാദീശനായനെഴുന്നള്ളി വന്നിട്ട്
കർപ്പൂരപ്പന്തലകമേ
കൈകൂപ്പി നേർന്നു ഞാൻ പെറ്റു വളർത്തൊരു
കന്നിമകളെ ഞാൻ നിന്നെ
തോളും തുടയും മുഖവും മണിമാറും
യോഗത്താലെ പരിശുണ്ട്
എന്റെ മകളേ പരമേറ്റിവയ്പോളും
എൻമനസ്സോ പതറുന്നു
നെല്ലുമാനീരും പരമേറ്റിവച്ചാറേ
എൻമനസ്സോ തെളിയുന്നു
ചെമ്പകപൂവിൻ നിറം ചൊല്ലാം പെണ്ണിന്
ചെമ്മേയരുൾ പെറ്റ പെണ്ണ്
പെണ്ണിനെ കണ്ടവരെല്ലാരും ചൊല്ലുന്നു
ഉലകിലിവൾക്കൊത്തോരില്ല
നല്ലൊരു നേരം മണർക്കോലം പുക്കാറെ
നന്നായ്ക വേണമിതെന്ന്
കാരണമായവരെല്ലാരും കൂടീട്ട്
നന്മവരുത്തിത്തരേണം
ആലോഹനായനും അൻപൻമിശിഹായും
കൂടെ തുണയ്ക്ക് ഇവർക്ക്.