St. Mary's Knanaya Church, Tampa

മാറാനീശോ പദവിയിലെ മണർക്കോലപ്പുതുമകാണ്മാൻ
കൂറാനാ ബന്ധുക്കളും ഗുണമുടയ അറിവുള്ളോരും
അപ്പനൊടു അമ്മാവന്മാരയലാരും ബന്ധുക്കളും
തേറാനധനത്തെയൊത്തു വേഗമോടെ തൻപിതാക്കൾ
മാറാനെ മുൻനിർത്തി മാർഗ്ഗമാനനാൾ കുറിച്ചു
നാൾ കുറിച്ച ദിവസമതിൽ മുഴക്കപ്പൂശി ഭംഗിയോടെ
നിറത്തോടത്തങ്ങിരിക്കുന്നേരം പാടിക്കളിക്കും ബാലകർക്കും
കോൽവിളക്കും പാവാടയും അന്തംചാർത്തി നീരുമാടി
നിന്നവർ കുരവിയിട്ടു നെല്ലുമിട്ടു നിറവുവന്നു
തകിൽനാദം കൊമ്പുവിളി മറ്റുമുള്ള ഘോഷമായി
ഇടിയലറും വരവു കണ്ടാൽ പുലരും മുമ്പേ പള്ളിയ്ക്കകം
ഉൺമയിലിരുന്ന പെണ്ണിനെ ഒളിവിൽ വെച്ചു വെളിവതാക്കി
മങ്കയേനെ കൊണ്ടുചെന്നു മണവാളനരികെയിരുത്തി
ബുദ്ധിയൊത്ത കത്തങ്ങളും ബോധമുള്ള ശെമ്മാശന്മാരും
മന്ത്രകോടി മടിയിലിട്ടു മാർഗ്ഗമായ വചനെ ചൊല്ലി
വചനം ചൊല്ലിതൊട്ടതാലി മാർഗ്ഗമായി കെട്ടിനാലെ
കാലാലെ വേഗമോടി കനകമൊത്തങ്ങകമ്പടിയും
വായാലെ മൊഴികൾ ചൊല്ലി പലതരത്തിൽ ബാലകർക്ക്
തുകിൽ നാദം കൊമ്പുവിളി മറ്റുമുള്ള ഘോഷമായി
ഇടിയലറും വരവുകണ്ടാൽ ഇരുളും മുമ്പെ പന്തൽക്കകം
നെല്ലും നീരും വിളക്കുമായി അമ്മായിവന്നങ്ങെതിരേറ്റു
ബാലകരെകൊണ്ടു ചെന്നു മണർക്കോലം പൂക്കവാറെ